Алкогольді ішімдіктер бір жылда рекордтық 15%-ға қымбаттады. Ресей Федерациясының Украинадағы соғыс қимылдары басталғаннан бері бағалар ай сайын 2%-3%-ға өсті

Ағымдағы жылдың қаңтар–мамыр айларында ҚР-да күштілігі аз алкогольді ішімдіктер өндірісінің көлемі өткен жылдың сәйкес кезеңімен салыстырғанда қысқарды. Сыраны шығару 4%-ға, 273,9 млн литрға дейін, табиғи жүзім шарабын шығару — 25,2%-ға, 10,8 млн литрға дейін, ликерлер мен өзге де осыған ұқсас алкогольді ішімдіктерді шығару — 1%-ға, 927,9 мың литрға дейін төмендеді.

Бұл жағдайда күшті алкоголь сегментінде басқа көрініс байқалады. Мәселен, арақ өндірісі 2021 жылғы қаңтар–мамырмен салыстырғанда бірден 2,3 есеге, 20,1 млн литрға дейін, ал коньяк шығару — 20,6%-ға, 4,9 млн литрға дейін өсті.

2022 жылдың төрт айының қорытындысы бойынша жергілікті өндірушілер арақ пен ликер-арақ өнімдеріне сұранысты 2021 жылдың қаңтар-сәуір айларындағы 76,3%-ға қарағанда 84,1%–ға қанағаттандырды. Сектордағы өнім әкелу көлемінің өзі 16,5%-ға өскенімен, импорт үлесі тиісінше қысқарды. Ішкі нарықта ресурстардың 97,1%-ы немесе 21,2 млн литр арақ пен ликер-арақ өнімдері сатылды, — 2021 жылдың тиісті кезеңімен салыстырғанда бірден 78,4%-ға артық.

Коньяк және коньяк ішімдіктері сегментінде жергілікті өндірушілердің үлесі де өсті: мұнда сұраныс бір жыл бұрынғы 57,5%-ға қарағанда, қазақстандық өніммен 74,5%-ға қанағаттандырылды. Импорт бір жылда 44,3%-ға қысқарды. Ішкі нарықта 4,8 млн литр өнім сатылды — бұл өткен жылмен салыстырғанда 11%-ға артық.

Елдегі шарап зауыттары сұранысты 65,4%-ға (бір жыл бұрын — 65,1%) қанағаттандырды. Ішкі нарықта шарапты сату көлемі 8%–ға өсіп, 2022 жылдың қаңтар-сәуір айларында 10,8 млн литрды құрады. Экспорт бірден 220 есе өсті, бірақ елеусіз қалды: барлығы 176,1 мың литр.

Нарықтағы қазақстандық сыра қайнату зауыттарының үлесі, керісінше, аздап қысқарды — 92,7%-дан 90,9%-ға дейін. Көбікті сусын импортының көлемі бір жылда 22,4%-ға өсті. Ішкі нарықта сыраны сату 227,5 млн литрды құрады — өткен жылға қарағанда 0,8%-ға аз.

Маусым айының қорытындысы бойынша алкогольді ішімдіктер бағасы бір айда 1,9%-ға және бір жылда бірден 14,6%-ға өсті. Бұл соңғы жылдардағы бағаның ең жоғары жылдық өсуі (статистика 2011 жылдан бастап ҚР СЖжРА ҰСБ ұсынған).

Айта кетейік: ағымдағы жылы Ресейдің Украинадағы соғыс қимылдары басталғаннан кейін алкогольді ішімдіктер бағасы ай сайын айтарлықтай өсті: наурызда — бірден 3%-ға, сәуірде — 2,6%-ға, мамырда —тағы 2,5%-ға. Салыстыру үшін:алкогольді ішімдіктер бағасының ай сайынғы өсуі 2021 жылдың маусымынан 2022 жылдың ақпанына дейін 0,1%-дан 0,9%-ға дейін өзгерді.