Тамақтану калориясы ең төменгі шекті деңгейден аз қазақстандықтардың үштен екісі қалалық жерде тұрады

ҚР халқының тамақтану калориялығы бір жылда 9,2%-ға қысқарды және 2021 жылы жан басына шаққандағы тәуліктік рационда 3111 ккал құрады. Бұл 2016 жылы ҚР халқының тамақтану калориясын есепке алуды енгізген сәттен бастап ең төмен көрсеткіш.

Өңірлік бөліністе ҚР-ның тек төрт өңірінде ғана тұтынылған тамақ өнімдерінің энергетикалық құндылығы орташа республикалық мәннен төмен: Нұр-Сұлтан (жан басына шаққандағы тәуліктік рационда 2856 ккал), Шымкент (2981 ккал), Маңғыстау (3047 ккал) және Қызылорда (3081 ккал) облыстарында.

2021 жылы ең жоғары калориялы тағамды Павлодар (4120 ккал) және Ақмола (3780 ккал) облыстарының тұрғындары тұтынған.

Ескерту: ауыл мен қала арасындағы халықтың тамақтану калориясындағы алшақтық өсуде: егер 2020 жылы ауылдарда тұтынылатын тамақ өнімдерінің энергетикалық құндылығы қалалық көрсеткіштен 20 ккал (3417 ккал қарсы 3437 ккал) артық болса, 2021 жылы айырмашылық 163 ккал (3044 ккал қарсы 3207 ккал) дейін жетті.

Қазақстан Республикасы бойынша тағамдық заттардың энергетикалық құндылығына ең аз қажеттілік жан басына шаққандағы тәуліктік рационда 1861 ккал құрайды. 2021 жылы тамақтану калориялығы ең төменгі шекті деңгейден аз қазақстандықтардың үлесі 6,7%-ды құрады. Айта кетейік, бұл 2020 жылғы «корона дағдарысына» қарағанда айтарлықтай жоғары, бұл кезде тойып тамақтанбағандардың үлесі 4,4%-ды құрады. Оның үстіне, мысалы, 2016 жылы елімізде тамақтану калориясы жеткіліксіз тұрғындарының үлесі 2,7%-ды ғана құрады.

ҚР-да бір жыл ішінде тойып тамақтанбағандар саны бір жарым еседен астам өсті: 2020 жылғы 832,5 мың адамнан 2021 жылы 1,3 млн адамға дейін.

Ескерту: елді мекендер бөлінісінде тойып тамақтанбағандар санының айтарлықтай өсуі қалаларда байқалды: бірден 89,5%-ға, 845,1 мың адамға дейін, бұл 2020 жылғы 4%-ға қарағанда ҚР барлық қала халқының 7,5%-ын құрады. Ауылдық жерлерде тамақтану калориясы ең төменгі шекті деңгейден аз халықтың саны 384 мың адамды құрады, бұл 2020 жылға қарағанда 18,7%-ға артық, ал тойып тамақтанбаған ауыл халқының үлесі тиісінше бір жыл ішінде 4,2%-дан 4,9%-ға өсті.