2023 жылғы қаңтар–желтоқсанда ҚР-да 1,8 млн жұп аяқ киім өндірілді, бұл бір жыл бұрынғыдан 3,6% көп.

Өңірлер бойынша ең көп аяқ киім Алматыда шығарылды: 714,6 мың жұп — 2022 жылғы қаңтар–желтоқсанмен салыстырғанда 3,9% аз. Үздік үштікке Алматы (372,9 мың жұп) және Жамбыл (257,9 мың жұп) облыстары да кірді.

* бұдан әрі — спорттық, қорғаныстық және ортопедиялық аяқ киімнен басқа

2023 жылдың қаңтар–қараша қорытындысы бойынша, қазақстандық компаниялар аяқ киімге деген сұранысты (экспорт және ішкі нарықтағы сату) бір жыл бұрынғы 4%-ға қарағанда 3,7% ғана қамтамасыз етті. Осы кезеңде жергілікті өндіріс 7% өсіп, небәрі 1,6 млн жұпты құрады.

Бұл ретте аяқ киім импорты бір жылда 15,6% өсіп, 41,4 млн жұпқа жетті.

Бұл ретте сектордағы экспорт шамалы болды: бір жыл бұрынғы 88,4 мың жұппен салыстырғанда 612 мың жұп. Пайдаланылған ресурстардың үлесі небәрі 1,4%.

Ішкі нарықтағы сатылым 42,3 млн жұпқа жетіп, бір жыл бұрынғыдан 13,8% артты.

Биыл қаңтардың соңында аяқ киім бір айда 0,6%, бір жылда 12,6% қымбаттады. Ай сайынғы динамика бойынша ерлер аяқ киімі — 0,5%, балалар аяқ киімі — 0,6%, әйелдер аяқ киімі — 0,7% қымбаттады. Жылдық динамика бойынша ерлер аяқ киімі — 11,6%, әйелдер аяқ киімі — 12,3%, балалар аяқ киімі — 14,3% қымбаттады.

Аяқ киім өнімдеріне міндетті таңбалау енгізілгеннен кейін тауарларды таңбалау және қадағалап отырудың ақпараттық жүйесінде (ТТҚ АЖ) 3 745 қатысушы тіркелді, 90,5 млн код енгізілді, деп хабарлайды ҚР премьер-министрінің ресми ресурсы. Бұл ретте импортталатын аяқ киім өнімдерінен ҚҚС және кедендік баждардың түсімі 2021 жылы 7,8 млрд теңгені, 2022 жылы 26,4 млрд теңгені (өсім 3 еседен астам немесе 338%), 2023 жылы 30,7 млрд теңгені құрады (2022 жылмен салыстырғанда 16% өсім).

Биыл 9 ақпандағы жағдай бойынша, Қазақстанда орташа санаттағы Nike кроссовкасы орташа есеппен 112 АҚШ доллары тұрады. ТМД елдері арасында бұл Армениядан кейінгі ең жоғары бағалардың бірі, онда мұндай жұп 123,9 АҚШ доллары тұрады. Қазақстан әлем бойынша 94 елдің ішінде 85-орынға тұрақтады.

Бұл ретте, Ресейде дәл осындай кроссовканың бір жұбы 80,7 АҚШ доллары, Украинада* — 81,4 АҚШ доллары, Беларусьте — 86,3 АҚШ доллары, Өзбекстанда — 98,6 АҚШ доллары, Әзірбайжанда — 111,7 АҚШ доллары тұрады.

Айта кетейік, Қазақстанда баға бірқатар дамыған елдермен салыстырғанда әлдеқайда жоғары болды. Мысалы, Жапонияда мұндай аяқ киімді 57,5 ​​АҚШ долларына, Испанияда — 78 АҚШ долларына, Оңтүстік Кореяда — 81,8 АҚШ долларына сатып алуға болады.

Мұндай кроссовкалар ең арзан елдер Кения, Бангладеш және Ливия. Ең қымбат Швейцария: 135 АҚШ доллары.

* Украина бірқатар себептерге байланысты ТМД-да даулы мәртебеге ие.