Ал өндіріс азайды

Биыл қаңтар–тамыз айларында жаңа піскен нан өндірісі 342,4 мың тоннаны құрады, бұл өткен жылдың сәйкес кезеңімен салыстырғанда 3% аз.

Өндірілген өнімнің төрттен бір бөлігі дерлік Түркістан облысының үлесіне тиді: 81,7 мың тонна, бір жыл ішінде 8,3% азайды. Үздік үштікке Алматы қаласы мен Ақтөбе облысы да кірді: сәйкесінше 36,6 мың және 33,8 мың тонна.

Жаңа піскен нан Ұлытау мен Маңғыстау облыстарында және Шымкентте ең аз өндірілді.

Биылғы қыркүйек айында нан бағасы өткен жылдың қыркүйек айымен салыстырғанда айтарлықтай 19,4% қымбаттады. Қара бидай мен бидай ұнынан пісірілген нан 24,7%, жоғары сұрыпты ұннан пісірілген бидай наны 28,2%, бірінші сұрыпты ұннан пісірілген бидай наны 14,4%, кесілген нан 28,1% қымбаттады.

ҚР-ның барлық өңірлерінде нан қымбаттады. Атап айтқанда Ұлытау облысында бірден 48,3%, Ақмола облысында 27,6% және Алматы қаласында 25,8% қымбаттады. Баға баяу өскен өңір Солтүстік Қазақстан облысы. Онда нан бағасы 2,6% ғана өсті.

Жоғары сұрыпты ұннан жасалған бидай нанының килосы 341 теңгеден, бірінші сұрыпты ұн наны 195 теңгеден сатылды.

Биылғы жылдың екінші тоқсанының қорытындысы бойынша, ҚР-да жан басына шаққандағы орташа тұтыну — 7,5 кг бірінші сұрыпты бидай ұнынан пісірілген нан және 646 г қара бидай мен бидай ұнынан пісірілген наны.

Қала тұрғындары бидай нанын ауыл тұрғындарына қарағанда аз тұтынады: тиісінше 7,8 кг және 7,2 кг. Бірақ қара бидай мен бидай ұнынан пісірілген нан бойынша көрсеткіш керісінше: қалада жан басына шаққанда тоқсанына 908 г, ауылда 272 г.

Тақырыпқа тұздық болсын, елордада ерекше өндіріс іске қосылды, деп хабарлайды Хабар24. Атап айтқанда, нан қалдықтары тасталмай, одан мал азығы өндіріліп жатыр. Өндірісті жолға қойып, өздерін шикізатпен қамтамасыз ету мақсатында кәсіпкерлер Астананың аулаларына 1500 контейнер орналастырды.