Еліміз жиһаз импортына қатты тәуелді

Биыл қаңтар–тамыз қорытындысы бойынша, ҚР-да жиһаз өндірісі 51,7 млрд теңгені құрады, бұл былтырғыдан ақшалай 25,2% көп (ӨӨИ — 128,8%).

Өңірлер бойынша ең көп өнім көлемі Алматыда тіркелді: 13,7 млрд теңге, бір жылда 14% көбейген. Екінші және үшінші орында Қарағанды (4,9 млрд теңге, 57,9% көбейген) және Алматы (4,7 млрд теңге, 58% көбейген) облыстары.

Бірінші жартыжылдықтың қорытындысы бойынша жергілікті компаниялар металл орындықтар мен басқа да отыратын жиһаздарға деген сұранысты (ішкі нарықтағы сату және экспорт) 32,6% қамтамсыз етті, бір жыл бұрын көрсеткіш 51,6% болған. Ағаш орындықтарға сұранысты 13,3%, басқа орындық жиһаздарға сұранысты 2,1% қамтамасыз етті.

Кеңсе ағаш жиһазының өндірісі салыстырмалы түрде жақсырақ: жарты жылда отандық өндірушілер сұраныстың 77,3%-ын қамтамасыз етті; бөлшек сауда кәсіпорындары үшін жиһаз сегментінде бұл көрсеткіш 67,5%, асүй жиһазы секторында — 63%, матрас сегментінде — 56,9% (бір жыл бұрын 61,1% болған) құрады. Бірақ асхана мен қонақ бөлмеге арналған ағаш жиһазға сұраныс 13,3% ғана жабылған.

Осылайша, жалпы ел өзін өзі әлі жиһазбен қамти алмай отыр.

Биыл тамыз айының соңында жиһаз және тұрмыстық заттар бағасы бір жылда 19,2% өсті.

Өңірлер бойынша Шығыс Қазақстан (33,1%), Ақмола (31,1%), Қарағанды (29,6%), Алматы (26,6%) және Қостанай (25,9%) облыстарыда қатты қымбаттады.

Ең аз жылдық баға өсімі Маңғыстау облысында тіркелді: 4,3%.