Отандық әуе компаниялары Airbus ұшақтарын таңдайды

«Қазақстанның Авиация әкімшілігі» жүргізген ҚР азаматтық авиациясы әуе кемелерінің ұшу қауіпсіздігінің жай-күйі талдауына сәйкес, 2021 жылғы 7 авиациялық оқиға болса, 2022 жылы 2 оқиға тіркелді. Ешбірінде кісі өлімі болған жоқ. Айта кетейік, коммерциялық авиацияда 2021 жылы 2 оқиға болса, 2022 жылы мүлде болған жоқ.

Азаматтық авиациядағы істердің саны айтарлықтай өсті: 2021 жылғы 55 оқиға болса, 2022 жылы 84 іс. Оның ішінде коммерциялық авиацияда 2021 жылы 43 іс, 2022 жылы 73 іс болды. 2022 жылы коммерциялық авиациядағы істердің 40%-дан астамы ұшақтардың конструкциясы мен өндірісіндегі ақауларға байланысты болды.

ҚР 11 әуе компаниясының әуе паркі туралы ақпаратты қамтитын Airfleets.net сайтының мәліметінше, бұл мақала жазылған кезде ұшақтардың орташа жасы 11,2 жыл болды, барлығы 99 әуе кемесі туралы ақпарат берілген.

ҚР әуе компанияларының ішінде Air Astana ұшақтары ең жаңа: компанияның әуе кемелерінің орташа жасы 4,8 жыл, сонымен қатар компанияда 29 әуе кемесі бар. Артынша Qazaq Air және FlyArystan: тиісінше 6,7 және 6,8 жыл. Бұл ретте Qazaq Air-де 5, FlyArystan-да 17 ұшақ бар.

SCAT әуе компаниясында ұшақ саны айтарлықтай: 27, ал олардың орташа жасы 15,5 жыл.

Жалпы, ҚР-дағы 5 әуе компаниясының белсенді әуе паркінің орташа жасы 10 жылдан аз болса, тиісінше 6 әуе компаниясында 10 жылдан көп, оның 3 компанияның әуе кемелерінің орташа жасы 26 жылдан асқан.

Airfleets.net сайтының хабарлауынша, қазақстандық әуе компаниялары Airbus A320 ұшағын таңдайды: ҚР-да осы маркадағы 25 ұшақ бар, олардың орташа жасы 6,6 жыл. Одан кейін Airbus A321 (орташа жасы 4,6 жыл, 17 ұшақ), сондай-ақ Boeing 737NG / MAX (орташа жасы 8,6 жыл, 16 ұшақ).

Қазақстандық әуе паркіндегі ең жаңа ұшақтар Embraer 190/195. Олардың орташа жасы 4,4 жыл, ал тізімдегі әуе компанияларында барлығы 5 осындай ұшақ бар.

Қазақстандағы ең ескі ұшақтар — Boeing 757 (орташа жасы 33 жыл, 3 ұшақ) және Fokker 70/100 (орташа жасы 31,8 жыл, 4 ұшақ).