Биыл қаңтарда ҚР-да шикі мұнай өндірісі 6,7 млн ​​тоннаны құрады, бұл бір жыл бұрынғыдан 3,2% аз.

Өндіріс дәстүрлі түрде Атырау облысында ең көп: 4,6 млн тонна, 2,4% азайған. Одан кейінгі орында Маңғыстау (1,4 млн тонна, 1,4% азайған) және Ақтөбе (360,6 мың тонна) облыстары.

Ақшалай есептегенде өндіріс көлемі 1,3 трлн теңгені құрады, бұл өткен жылдың қаңтарымен салыстырғанда 9,7% аз.

Анықтама үшін: 2023 жылғы қаңтар–желтоқсанда жалпы мұнай өндіру 77,6 млн тоннаға жетті, бұл 2022 жылғы қаңтар–желтоқсанмен салыстырғанда 7% артық.

Естеріңізге сала кетейік: Қазақстан 2024 жылдың екінші тоқсанында мұнай өндіруді тәулігіне 82 мың баррельге қосымша ерікті қысқарту мерзімін ұзартады. Бұл ерікті қысқарту Қазақстан 2023 жылдың сәуірінде (2024 жылдың желтоқсан айының соңына дейін созылады) жариялаған тәулігіне 78 баррель өндіруді ерікті түрде қысқартуға қосымша. Өндірісті қосымша қысқарту мұнай нарығындағы тұрақтылық пен теңгерімді сақтау мақсатында ОПЕК+ елдері қабылдаған сақтық шараларын күшейтуге арналған, деп хабарлайды ҚР Энергетика министрлігі.

ҚР-да өндірілетін мұнайдың басым бөлігі — жалпы көлемнің 90%-дан астамы экспортқа шығарылады. 2023 жылғы қаңтар–желтоқсанда мұнай экспорты 8,4% өсіп, 70,7 млн ​​тоннаны құрады. Бұл ретте ақшалай есептегенде экспорт 42,3 млрд АҚШ долларын құрады, бұл бір жыл бұрынғы көрсеткіштен 9,8% аз.

ТМД елдеріне (Әзербайжан, Өзбекстан және Ресей) 123,3 млн АҚШ долларына 242,8 мың тонна мұнай жөнелтілді. Физикалық мәндегі өсім 4,1%, ақшалай есептегенде, керісінше, 17% төмендеді.

Дүние жүзіне 42,2 млрд АҚШ долларына 70,4 млн тонна мұнай жөнелтілді. Физикалық мәндегі өсім 8,4%, ақшалай түрде 9,8% төмендеді. Қазақстан мұнайының басым бөлігі Италияға жеткізілді. Одан бөлек Нидерланд, Қытай, Корея және Румынияға айтарлықтай көлемде жеткізілді.

Былтыр желтоқсанда шикі мұнай мен мұнай өнімдерінің экспорттық бағасы 8,3% төмендеді. Ай сайынғы динамика бойынша ТМД елдері бойынша баға бұрынғы деңгейде қалды, ал басқа елдерге төмендеді.

Жылдық динамикада (яғни, 2022 жылдың желтоқсанымен салыстырғанда) экспорттық бағалар 5% өсті. Бұл ретте ТМД елдері үшін баға 5,3% төмендесе, басқа елдерде керісінше 5,1% өсті.