Сары майдың бағасы жыл басынан бері ең көп Маңғыстау облысында бірден 29% қымбаттады

Биылғы жылдың қаңтар–шілде айларында Қазақстанда сары май өндірісі 13,9 мың тоннаны құрады, бұл өткен жылдың сәйкес кезеңімен салыстырғанда 12,6% аз.

Бұл ретте, бір жыл бұрын осы саладағы өнім көлемінің өсімі алдыңғы жылдың тиісті кезеңінен бірден 31,9% көбейген еді.

2022 жылдың қаңтар–мамыр айларында отандық май зауыттары сары майға деген сұранысты өткен жылғы 83,6%-пен салыстырғанда 71%-ке қанағаттандырды. Тиісті кезеңде өндіріс 12% төмендеді (2021 жылғы қаңтар–мамырмен салыстырғанда). Импорт, керісінше, бір жылда бірден 83,5% өсті, бұл импорттаушылардың нарықтағы үлесін 16,4%-дан 29%-ға дейін ұлғайтты.

2022 жылғы қаңтар–мамырда ҚР ішкі нарығында сары майдың сатылымы 19,9% өсіп, 12,5 мың тоннаны құрады. Осы кезеңде экспорт 4 есеге жуық азайып, елеусіз 541,5 тоннаға дейін төмендеді.

2022 жылдың шілде айының соңында тұзсыз сары май бағасы бір айда 1,2%, бір жылда 17% өсті. Бұл ретте жыл басынан бері бағаның өсуі 14,7%-ды құрады.

Қазақстанда биыл шілдеде тұзсыз сары майдың орташа бөлшек сауда бағасы килосына 3,3 мың теңгеге жетті. Ірі қалалар ішінде Павлодарда 2,7 мың теңгеден Атырауда 4,3 мың теңгеге дейін ауытқыған.

Жыл басынан бері сары май Маңғыстау облысында айтарлықтай өсті, бірден 29% қымбаттады. Одан кейін Шымкентте 26,7% және Жамбыл облысында 26,4% қымбаттады.

Баға ең аз өскен өңір Нұр-Сұлтан (3%), Алматы қаласы (5,6%) және Павлодар облысы (7,2%).