Шоколад 11% қымбаттады

2023 жылғы қаңтар–тамызда шоколад пен қанттан шоколад және кондитерлік өнімдер өндірісі 68,8 мың тоннаға жетті, бұл 2022 жылғы қаңтар–тамызбен салыстырғанда 18,2% көп.

Тиісті кезеңде сектордағы көрсеткіштердің өсуі екінші жыл қатарынан байқалды.

Отандық кондитерлер сектордағы сұраныстың 47,6%-ын қамтамасыз етті. Бұл ретте нарықтың жартысынан астамын импорт қамтамасыз етті: тиісінше 52,4%.

2023 жылғы қаңтар–шілдеде ішкі нарықта шоколад пен қанттан жасалған шоколад және кондитерлік өнімдерді сату көлемі 2022 жылғы қаңтар–шілдемен салыстырғанда 23,2% артып, 111,9 мың тоннаны құрады.

Осы кезеңде экспорт 5% қысқарып, небәрі 17,8 мың тоннаны құрады.

Биыл қыркүйек соңында шоколад бағасы бір айда небәрі 0,4% өскен. Салыстыру үшін: 2022 жылдың қыркүйегінде айлық өсім 2,5% болды.

Шоколад бағасының жылдық өсімі 10,8%-ды құраса, бір жыл бұрын бағаның өсуі 21,5%-ға жеткен.

Жалпы, кондитерлік өнімдер бір жылда 13,7% қымбаттады. Бір жыл бұрын өсім 25,6%-ға жеткен.

Кондитерлік өнімдердің карамель айтарлықтай қымбаттады: 21,1%. Екінші орында мармелад: 18,2% қымбаттаған.

Шоколадпен қапталмаған кәмпиттер — 16,8%, сағыз — 16,5%, халва — 14,9%, шоколадпен қапталған кәмпиттер — 11,5%, зефир — 11,4% қымбаттады.