Осы уақытта бағалар бір айда 2%-ға және бір жылда 11%-ға өсті

2022 жылғы қаңтар-мамырда елде 89 мың тонна күріш өндірілді, бұл өткен жылға қарағанда 1,9%-ға аз. Өңірлік бөліністегі барлық өндірістің 93,1%-ы Қызылорда облысына тиесілі: 82,8 мың тонна, бұл ретте жылдық өсім 3,6%-ды құрады.

Негізгі күріш өсіру өңірінен басқа, күріш Алматы және Түркістан облыстарында да өндіріледі — тиісінше 4,3 мың және 1,8 мың тонна. Екі өңірде де өнім шығару көлемінің төмендегені байқалады: Алматы облысында — 11,8%, Түркістан облысында — бірден 3,2 есе.

Анықтама үшін: жалпы, 2021 жылғы қаңтар–желтоқсан қорытындылары бойынша елімізде күріш өндірісі бір жылда 5,7%-ға, 210,7 мың тоннаға дейін өсті.

Айта кетейік, биыл күріш өндірісінің айтарлықтай қысқаруы ықтимал. Сырдариядағы су деңгейінің төмендеуі Қызылорда облысына келетін суармалы су лимитінің азаюына себеп болды, деп хабарлайды Хабар24. Тапшылық күріш егу көлемінің 11 мың гектарға қысқаруына себеп болды.

Қазақстандық күріш өсірушілер ағымдағы жылдың қаңтар–сәуір айларында күрішке (жартылай қауыздалған немесе толық қауыздалған немесе жарма) сұранысты (ішкі нарықта өткізу плюс экспорт) өткен жылғы 97,3%-ға қарағанда 95,3%-ға жапты. Импорт үлесі тиісінше 4,7%-ға дейін өсті. Елге 3,5 мың тонна күріш әкелінді, бұл өткен жылмен салыстырғанда 76,6%-ға артық.

Сонымен қатар, экспорт 28,9%-ға 28,7 мың тоннаға дейін азайды.

Нәтижесінде ішкі нарықта сату бір жылда 41,7%-ға, 46,4 мың тоннаға дейін өсті.

Төрт айдың қорытындысы бойынша 11 млн АҚШ долл. сомасына 29,1 мың тонна күріш экспортқа жіберілді. Қысқарту заттай мәнде 29,1%-ды, ақшалай мәнде 5,6%-ды құрады.

Қазақстандық күріштің басым бөлігі ТМД елдеріне жөнелтіледі: 9,9 млн АҚШ долл.сомасына 27,2 мың тонна. Бұл сегментте экспорт заттай мәнде 32%-ға қысқарды. Күріштің ең көп көлем Ресейге жеткізіледі: 14 мың тонна, плюс 70,6%. Тәжікстан мен Украина да үздік үштікке енді.

ТМД құрамына кірмейтін әлемнің қалған елдеріне Қазақстан 1,9 мың тонна күріш жіберді, бұл өткен жылмен салыстырғанда 81%-ға артық. Мұнда Моңғолия, Ирак және Түркия көш бастап тұр.

Ағымдағы жылдың мамыр айында күріштің бөлшек сауда бағасы ҚР бойынша орташа есеппен кг үшін 406 тг құрады — сәуір айымен салыстырғанда 1,8%-ға артық. Айта кетейік, күріштің құны жыл басынан бері 10,2%-ға, бір жыл ішінде 10,7%-ға өсті.

Еліміздің ірі қалалары арасында күріштің ең жоғары бағасы астанада тіркелген — кг үшін 537 тг. Одан кейін Ақтау мен Қарағанды (әрқайсысында кг үшін 490 тг), сондай-ақ Павлодар (кг үшін 457 тг).

Ең арзан күріш бағасы Петропавлда — кг үшін 302 тг.