Сонымен қатар, ҚР ИИДМ қазақстандықтарға көмірді алдын ала сатып алуды ұсынады

Ағымдағы жылдың қаңтар–маусым айларында елімізде лигнитті (қоңыр көмір) және көмір концентратын қоса алғанда, 57,4 млн тонна тас көмір өндірілді — өткен жылға қарағанда 5,9%-ға артық. Ақшалай мәнде өндіру 271 млрд тг құрады.

Тікелей тас көмір 53 млн тонна, лигнит — 2,3 млн тонна, көмір концентраты — 2 млн тонна өндірілді.

Өңірлік бөліністе ең көп өндіру көлемі Павлодар облысына тиесілі: 33,9 млн тонна, жылына плюс 4,9%. Өндіру бойынша екінші орынды Қарағанды облысы алды: 18,4 млн тонна, плюс 2,3%.

Жалпы 2021 жылы көмір өндірісі 116,2 млн тоннаны құрады, плюс 2,5%.

Қаңтар–мамыр айының қорытындысы бойынша Қазақстан 344,2 млн АҚШ долл.сомасына 13,7 млн тонна көмір экспортқа жіберді. Өсім заттай 21,1%-ды, ақшалай мәнде — бір жылда бірден 91,5%-ды құрады.

Басым бөлігі ТМД елдеріне жөнелтілді: 9,1 млн тонна — өткен жылға қарағанда 0,7%-ға артық. Сектордағы қазақстандық өнімнің негізгі импорттаушысы — Ресей: 8,4 млн тонна, жылына плюс 15,3%. Көшбасшылар үштігіне Қырғызстан мен Беларусь кірді.

ТМД құрамына кірмейтін басқа елдерге 4,6 млн тонна көмір жіберілді — бұл өткен жылға қарағанда 2 есе көп. Мұнда ҚР-дан негізгі көмір импорттаушы — Швейцария: 3,3 млн тонна, жылына плюс 75%. Польша мен Кипр де көшбасшы үштікке кірді.

Қазақстандықтарға көмірді алдын ала сатып алу ұсынылады, деп хабарлайды ҚР ИИДМ. Бүгінгі күні министрлік 2022-2023 жылдарға арналған бюджеттік ұйымдар мен халық үшін көмірге қажеттілік жоспарын жасады.

Жоспарға сәйкес, тұтыну көлемі шамамен 9,5 млн тоннаны құрайды, оның ішінде коммуналдық-тұрмыстық секторға 2,8 млн тонна тиесілі.