Сонымен қатар жарнама агенттіктерінің қызметі елеулі азайды

Жарнама қызметі және нарық конъюнктурасын зерттеу саласындағы көрсетілетін қызмет көлемі* 58 млрд тг құрады — бұл өткен жылға қарағанда құн тұрғысынан 19,6%-ға аз. Сектордағы нақты құлдырау 25%-ды құрады — бұл холдингтік компаниялардың қызметін қоспағанда (мұнда бірден екі есе құлдырау белгіленді), көрсетілетін қызмет секторындағы ең елеулі төмендеу.

Салыстыру үшін: бір жыл бұрын, 2022 жылдың бірінші тоқсанында сектордағы көрсетілетін қызмет көлемі 72,1 млрд тг жетті.

* бұл жерде және әрі қарай — экономиканың бақыланбайтын секторындағы қызметтер көлемін қоспағанда

Сектордағы көрсетілетін қызметтер көлемінің құлдырауы жарнама агенттіктерінің қызметі саласындағы көрсеткіштердің күрт қысқаруына байланысты: бір жылда құндық мәнде минус 28,6%, 48,5 млрд теңгеге дейін.

Өз кезегінде бұқаралық ақпарат құралдарында жарнама орналастыру саласындағы қызметтер көлемі, керісінше, бірден 161,4%-ға, 2,8 млрд тг дейін өсті.

Маркетингтік және талдамалық зерттеулерге де сұраныс өсті: нарық конъюнктурасы мен қоғамдық пікірді зерттеу саласындағы қызметтер көлемі 2,2 есеге, 6,7 млрд тг дейін ұлғайды.

Өңірлер аясында жарнама қызметі және нарық конъюнктурасын зерттеу саласындағы көрсетілетін қызметтердің ең көп көлемі қаржы орталығына тиесілі, Алматы — 45,1 млрд тг. Одан кейін Нұр-Сұлтан қаласы — 7 млрд тг жуық.

Сектордағы көрсетілетін қызметтердің айтарлықтай көлемі Қарағанды (875,1 млн тг) және Павлодар (794,4 млн тг) облыстарына тиесілі.

Ең төмен көрсеткіштер Түркістан облысында тіркелген — небәрі 38,1 млн тг. Аутсайдерлердің арасында Қызылорда (115,3 млн тг) және Маңғыстау (162,1 млн тг) облыстары да бар.