Теледидар кез-келген қазақстандық отбасында бар, тіпті су құбыры, кәріз жүйесі сияқты игіліктер жоқ жерде де

Былтыр 11,7 мың үй шаруашылықтары арасында жүргізілген ҚР СЖРА Ұлттық статистика бюросының сауалнамасына сәйкес, халықтың теледидармен қамтамасыз етілуі 99,9% болды. Қалалық жердегі отбасыларда 99,9%, ауылдық жерлерде 100% теледидар болған. ҚР-дағы әрбір 100 үйге орта есеппен 115 теледидар келеді.

Өңірлер бойынша Қарағанды (99,9%), Ақтөбе (99,8%) және Ақмола (99%) облыстарын қоспағанда, басқа облыстар 100% теледидармен қамтамасыз етілген. Былтыр осы кезеңде 17 өңірдің ішінен Қарағанды (99%), Ақмола және Қостанай (99,8%) облыстары толық теледидармен қамтамасыз етілмеген еді.

Тұрғын үйді абаттандыру түрі ретінде телехабар тарату түріне келетін болсақ, сауалнамаға қатысқандардың 43,3%-ы кабельдік теледидар қызметін пайдаланады, бір жыл бұрын көрсеткіш 40,3% болған. 32,2%-ы спутниктік теледидар қызметін пайдаланады (2021 жылғы 32,6% болған), 24,5%-ы эфирлік теледидар қызметін пайдаланады (бір жыл бұрын 27,1% болған).

Өңірлер бойынша спутниктік теледидар қызметін көбіне Алматы (65,3% үй), Жамбыл (54,9%) және Солтүстік Қазақстан (54,9%) облыстарының тұрғындары, ең аз астаналықтар (3,7%) пайдаланды.

Кабельдік теледидар Алматы (84,5%), Астана (76,3%) және Павлодар облысының (65,6%) тұрғындары арасында танымал, ал ең төменгі көрсеткіш Түркістан облысында (1,1%) байқалды.

Эфирлік теледидар көбіне Ақтөбе (94,5%), Түркістан (73,6%) және Қызылорда (49,1%) облыстарының тұрғындарында, ең аз Маңғыстау облысында (0,4%).

Биыл шілде айының қорытындысы бойынша, теледидарлар бір жылда 4,1% арзандады, дегенмен оларды жөндеу бірден 19,8% қымбаттады. Кабельдік теледидар қызметінің бағасы 3,1% төмендеді, спутниктік теледидар қызметі керісінше, 6,9% қымбаттады.

Еліміздің әр өңірінде арзандау байқалған: Алматы және Ұлытау облыстарында 4,6%, басқаларында 4%.

Маңғыстау облысында теледидар жөндеу қымбаттады: бір жылда бірден 59%. Бағаның айтарлықтай өсуі Алматыда (49,4%) және Батыс Қазақстан облысында (34,8%) байқалды.

Кабельдік теледидар ел бойынша орташа алғанда арзандады, алайда ҚР-ның 6 өңірінде қымбаттады, ал 11 өңірде баға былтырғы деңгейінде қалды. Бағаның ең жоғары жылдық өсімі Павлодар (8,7%), Ұлытау (6,3%) және Жамбыл (5,2%) облыстарында байқалды. Айтарлықтай арзандау тек Алматыда болды: бір жылда 10% төмендеген. Шығыс Қазақстан облысында да баға төмендеді: 1,3%.

Спутниктік теледидар қызметінің бағасы ҚР-ның 6 өңірінде бұрынғы деңгейде қалды, ал қалғандарында өсті. Ең жоғары жылдық қымбаттау Атырау (36,1%), Абай (19,6%) және Шығыс Қазақстан (18,5%) облыстарында тіркелді.